Наступны матч 1 сакавіка Нёман (д) (14:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ЯЎГЕН МАЛАШЭВІЧ ДАЛУЧЫЎСЯ ДА "БЕЛА-СІНІХ"

22.01.2025

Кантракт са сталічным "Дынама" падпісаў хаўбек Яўген МАЛАШЭВІЧ.

Наш навічок нарадзіўся 10 снежня 2002-га ў Мінску. Выхаванец футбольнай школы РЦАР БДУ (першы трэнер Валерый Станіслававіч Апанас). У 2018-м далучыўся да "Мінску", за галоўную каманду якога дэбютаваў 26 ліпеня 2020-га ў выязным супрацьстаянні найвышэйшай лігі з БАТЭ. У наступным годзе атрымліваў больш практыкі (11 матчаў), у 2022-м выступаў на правах арэнды ў пінскай "Хвалі" (Д2; 10/4 трапных стрэлы) і "Гомелі" (9).

Потым цягам яшчэ двух сезонаў абараняў колеры "гараджан", цяпер ужо ў якасці гульца асноўнай абоймы. Асабліва паспяховым у індывідуальным плане выдаўся 2024-ы: 31 сустрэча ва ўсіх турнірах, у тым ліку 27 — у "старце", 10 ачкоў па сістэме "гол плюс пас" (5+5).

Увогуле з на этапах кар’еры ў "Мінску" правёў 67 афіцыйных паядынкаў, забіў шэсць мячоў і зрабіў дзевяць выніковых перадач.

Яўген, рады бачыць у дынамаўскім складзе! Самай хуткай адаптацыі — і максімальных здзяйсненняў з новымі аднаклубнікамі!