РАЗВІТАЛІСЯ З ЛЕГІЯНЕРАМІ З ДАЛЁКАГА ЗАМЕЖЖА

Па сканчэнні тэрміну дзеяння кантрактаў ростэр "бела-сініх" пакінула група футбалістаў: бразільскі абаронца РАІ, а таксама нігерыйцы — хаўбекі Раймонд АДЭОЛА, Джозэф АКОРА, форвард Стэфан АЛЬФРЭД і прадстаўнік сярэдняй лініі з Кот-Д’Івуара Аміян БАНІ.

РАІ далучыўся да абоймы напачатку красавіка, ужо па ходу сезона, — і імгненна стаў незаменным на левым флангу абароны. Правёў ва ўсіх турнірах 42 паядынкі, забіў тры мячы і зрабіў шэсць выніковых перадач (элітны дывізіён — 26/3+4, Кубак — 2, Ліга чэмпіёнаў — 4, Ліга Еўропы — 4/0+1, Ліга канферэнцый — 6/0+1). Уключаны ў сімвалічную зборную "А" чэмпіянату Беларусі.

Раймонд АДЭОЛА запісаў на асабісты рахунак 34 сустрэчы і шэсць галоў (элітны дывізіён — 20/5+0, Кубак — 3, Суперкубак — 1, Ліга чэмпіёнаў — 3, Ліга Еўропы — 3, Ліга канферэнцый — 4/1+0).

Яшчэ тры ўліліся ў каманду ў летняе трансфернае акно.

Джозэф АКОРА прыняў удзел у сямі змаганнях (элітны дывізіён — 3, Ліга канферэнцый — 4).

Стэфан АЛЬФРЭД выходзіў на поле 23 разы, даслаў шэсць мячоў у вароты супернікаў і тройчы асіставаў партнёрам (элітны дывізіён — 12/4+1, Ліга чэмпіёнаў — 4/0+1, Ліга Еўропы — 4/1+1, Ліга канферэнцый — 3/1+0).

Аміян БАНІ згуляў у 20 супрацьстаяннях, адзначыўся двума трапнымі стрэламі (элітны дывізіён — 11/2+0, Ліга Еўропы — 4, Ліга канферэнцый — 5).

Дзякуем хлопцам за самааддачу ў матчах за мінскае "Дынама", дапамогу ў вырашэнні пастаўленых задач — і зычым максімальных поспехаў у будучыні!