Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

МАКСІМ МЯКІШ — ГУЛЕЦ МІНСКАГА "ДЫНАМА"

16.01.2025

Футбалістам "бела-сініх" стаў паўабаронца Максім МЯКІШ.

Наш навічок нарадзіўся 3 сакавіка 2000 года ў Гродна. Выхаванец мясцовага "Нёмана" (першы трэнер Марат Георгіевіч Белязяка), за асноўны склад якога дэбютаваў 4 лістапада 2017-га ў дамашняй сустрэчы найвышэйшай лігі з брэсцкімі дынамаўцамі.

У 2018-м адправіўся ў Партугалію — выступаў за юніёрскую каманду "Лейрыі". Напачатку 2019-га далучыўся да БАТЭ (3 матчы/1 гол), адкуль сыходзіў у арэнду ў "Славію" (2020; 3) і "Іслач" (2021; 1 + 1 выніковая перадача).

У лютым 2022-га падпісаў кантракт з "Тарпеда"-БелАЗам. За тры сезоны правёў 95 афіцыйных паядынкаў, забіў шэсць мячоў, адзначыўся парай асістэнцкіх балаў (элітны дывізіён — 74/5+1, Кубак — 16/1+1, Суперкубак — 1, Ліга канферэнцый — 4). Зрабіў значны ўнёсак у заваяванне жодзінцамі нацыянальнага Кубка-2022/23 і Суперкубка краіны-2024, а таксама бронзавых медалёў чэмпіянату (2023, 2024).

Мае ў актыве 14 гульняў у форме моладзевай зборнай Беларусі.

Максім, ласкава вітаем у мінскае "Дынама"! Зычым дабіцца тут самых сур’ёзных камандных і індывідуальных поспехаў!