Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ДЗЯНІС ГРАЧЫХА — ЗНОЎ У МІНСКІМ "ДЫНАМА"

20.01.2025

Другі этап кар’еры ў нашым клубе пачне крэатыўны хаўбек Дзяніс ГРАЧЫХА.

Стары-новы футбаліст сталічнага "Дынама" нарадзіўся 22 мая 1999-га ў Магілёве. Выхаванец мясцовага "Дняпра" (першы трэнер Якаў Гдальевіч Рыжаўскі), за асноўны склад якога дэбютаваў 23 кастрычніка 2017-га ў дамашняй дуэлі найвышэйшай лігі з БАТЭ. У форме калектыва з роднага горада правёў і наступны сезон (35 матчаў).

У 2019-21 гадах абараняў колеры брэсцкага "Руха": 84 супрацьстаяння, 18 забітых мячоў і пяць асістэнцкіх балаў. Уключаны ў сімвалічную зборную "А" айчыннага элітнага дывізіёна-2021.

Вясной 2022-га далучыўся да "бела-сініх", быстра пераўтварыўся ў аднаго з лідараў каманды. Запісаў у актыў 30 афіцыйных паядынкаў (4+7). Тады ж адкрыў лік сваім гульням у еўракубках і за галоўную зборную краіны — дома з супернікамі са Славакіі ў межах адборачнай кампаніі Лігі нацый.

У 2023-м выступаў за БАТЭ (30; 0+8), у мінулым сезоне адправіўся на правах арэнды ў казахстанскі "Жэніс" (23; 1+1).

Дзяніс, з вяртаннем у дынамаўскую абойму! Няхай гэтым разам атрымаецца яшчэ больш яскрава, эфектыўна і вынікова!