Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Субота, 1 лютага, стане вялікім футбольным днём на стадыёне "Дынама-Юні" (вул. Вышалескага, 4А) — там адбудзецца адразу тры спарынгі.
Ужо паведамлялася аб матчах галоўнай і моладзевай каманд. Але першым на "сінтэтыку" ступіць пяціразовы чэмпіён — "Дынама"-БДУФК, які пазмагаецца са зборнай Азербайджана WU19.
Пачатак у 11.00. Уваход для заўзятараў — вольны.
