Наступны матч Арсенал 8 лістапада (д) (17:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АЛЯКСЕЙ ВАКУЛІЧ ВЯРНУЎСЯ Ў НАШУ КАМАНДУ

6.01.2025

Кантракт з ФК "Дынама-Мінск" падпісаў 26-гадовы абаронца Аляксей ВАКУЛІЧ.

Ураджэнец Івацэвічаў ужо выступаў у складзе "бела-сініх" у 2022-м і 2023-м: 54 паядынкі, тры галявыя перадачы (чэмпіянат — 45/0+2, Кубак — 4/0+1, Ліга канферэнцый — 5) і званне чэмпіёна Беларусі-2023.

У мінулым годзе гуляў за расійскі "Арсенал" з Тулы (Д2; 5 матчаў) і брэсцкае "Дынама" (13/0+1).

Адзначым, што ў кар’еры леванагага футбаліста былі таксама этапы ў "Нёмане" (2015), "Мінску" (2016-17), "Энергетыку"-БДУ (2018), "Баранавічах" (2018), "Смалявічах" (2019-20), расійскім "Велесе" (2020-21) і брэсцкім "Руху" (2021).

Аляксей, з вяртаннем! Няхай наступны сезон акажацца для цябе і каманды максімальна паспяховым!