Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ВЫЗНАЧАЕМ НАЙЛЕПШЫ ГОЛ "БЕЛА-СІНІХ" У 2025 ГОДЗЕ

14.12.2025

У гэтым годзе мінскае "Дынама" правяло 38 афіцыйных гульняў — і 59 разоў даслала мяч у вароты супернікаў.

Найлепшы гол традыцыйна будуць выбіраць у акаўнце "бела-сініх" у Instagram у фармаце "плэй-оф". Першапачаткова ёсць 16 прэтэндэнтаў, раздзеленых на пары — у кожнай заўзятарам належыць прыняць адну з бакоў. Па выніках стартавага раўнда застанецца 8 трапных стрэлаў, потым 4 — і так да фіналу, дзе вызначацца імя і прозвішча пераможцы.

ПЕРАХОДЗЬЦЕ ПА СПАСЫЛЦЫ — І ГАЛАСУЙЦЕ!

Вось як выглядаюць канкурэнты на стадыі 1/8 фіналу:

Яўген МАЛАШЭВІЧ ("Маладзечна-2019", тур 9) vs Фаваз АБДУЛАХІ ("Смаргонь", тур 16)

Аляксей ВАКУЛІЧ ("Дынама-Брэст", тур 29) vs Душан БАКІЧ ("Гомель", тур 10)

Павел АПЯЦЁНАК ("Тарпеда"-БелАЗ, тур 17) vs ПЕДРА ІГАР ("Лудагорац", кваліфікацыя ЛЧ)

Кірыл ЦАПЯНКОЎ ("Віцебск", тур 7) vs Максім МЯКІШ ("Нафтан", тур 11)

Іван БАХАР ("Лакаматыў", 1/16 фіналу Кубка) vs Мікіта ДЗЕМЧАНКА ("Славія", тур 19)

Раман БЕГУНОЎ ("Іслач", тур 8) vs Яўген МАЛАШЭВІЧ ("Славія", тур 19)

Аляксей ВАКУЛІЧ ("МЛ Віцебск", тур 30) vs Мустафа ДЖЫМЕ ("Віцебск", тур 22)

Аляксей ГАЎРЫЛОВІЧ ("Маладзечна-2018", тур 24) vs Фаваз АБДУЛАХІ ("Нафтан", тур 26)