Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

РАМАН БЕГУНОЎ — WINLINE-ГУЛЕЦ СЕЗОНА

26.12.2025

Амаль 1800 чалавек узяло ўдзел у апытанцы, мэтай якой з’яўляўся выбар найлепшага футбаліста "бела-сініх" у 2025 годзе.

У выніку ганаровае званне плюс адмысловы прыз ад Winline, тытульнага партнёра мінскага "Дынама", атрымаў капітан каманды Раман БЕГУНОЎ.

Дасведчаны абаронца ў мінулым сезоне правёў 37 афіцыйных паядынкаў, забіў тры мячы. Разам з партнёрамі заваяваў Суперкубак Беларусі і срэбраныя медалі найвышэйшай лігі.

За Бегунова было аддадзена 592 галасы (33,85%). Далей месцы размеркаваліся такім чынам: 2. Фаваз АБДУЛАХІ — 528 (30,19%). 3. Карэн ВАРДАНЯН — 256 (14,64%). 4. Яўген МАЛАШЭВІЧ — 113 (6,46%). 5. Мікіта ДЗЕМЧАНКА — 106 (6,06%). 6. Іван КАНАВАЛАЎ — 71 (4,06%). 7. Мустафа ДЖЫМЕ — 29 (1,66%). 8. Аляксей ВАКУЛІЧ — 22 (1,26%). 9. Уладзіслаў КАЛІНІН — 17 (0,97%). 10. Максім МЯКІШ — 15 (0,86%).