Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ГАННА СІНЯЎСКАЯ — MVP СЕЗОНА Ў СКЛАДЗЕ "ДЫНАМА"-БДУФК

1.12.2025

У telegram-канале "бела-сініх" завершана апытанка па вызначэнні найлепшага гульца нашай жаночай каманды па выніках года.

Ганаровае званне атрымала 19-гадовы форвард Ганна СІНЯЎСКАЯ, якая ў 2025-м правяла ў форме "Дынама"-БДУФК 34 афіцыйныя паядынкі, забіла 16 мячоў і аддала 9 "асістаў". А разам з баявымі сяброўкамі аформіла залаты хет-трык — чэмпіёнства, Кубак і Суперкубак краіны.

На карысць Сіняўскай выказаліся 492 чалавекі з 888, якія прагаласалалі (55,41%). Далей месцы размеркаваліся так: 2. Ганна ПІЛІПЕНКА — 225 (25,34%). 3. Екацярына КАВАЛЬЧУК — 73 (8,22%). 4. Эмуэджэ АГБІАГБЕЎХА — 40 (4,51%). 5. Вольга КАПЫША — 34 (3,83%). 6. Аліна ХАРАШЧАК — 16 (1,80%). 7. Блесінг Касарачы АКПЕ — 8 (0,90%).

Віншуем Ганну з высокім прызнаннем і зычым толькі яскравых пераможных матчаў і як мага болей галоў!