Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Адразу пасля стартавага тура чэмпіянат краіны-2025 у элітным дывізіёне бярэ паўзу працягласцю амаль у два тыдні, выкліканую матчамі зборных.
А потым прыхільнікаў беларускага футбола чакае звышцікавы паядынак — мінскае "Дынама" адправіцца ў госці да "Тарпеда"-БелАЗу.
Канкурэнты ў барацьбе за самыя высокія месцы пазмагаюцца ў нядзелю, 30 сакавіка, у Жодзіна, на стадыёне "Тарпеда". Пачатак у 14.45.
