Наступны матч БАТЭ 19 красавіка (д) (19:30)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ТАРПЕДА"-БЕЛАЗ — "ДЫНАМА-МІНСК": ІНФАРМАЦЫЯ АБ МАТЧЫ

28.03.2025

У нядзелю, 30 сакавіка, наша каманда згуляе выязны паядынак з "Тарпеда"-БелАЗам у межах 2-га тура чэмпіянату краіны-2025 у элітным дывізіёне. Стартавы свісток на жодзінскім стадыёне "Тарпеда" (вул. Дзеравянка, 5) прагучыць у 14.45.

КВІТКІ

Заўзятары мінскага "Дынама", якія збяруцца ў кас арэны да 14.15, трапяць на гасцявы сектар БЯСПЛАТНА.

Тым, хто спозніцца да гэтага часу, прыйдзецца набыць квіткі коштам 5 рублёў.

НАДВОР’Е

Паслязаўтра ў Жодзіна будзе воблачна, ападкаў не прагназуецца. Слупок тэрмометра размясціцца ў адзнакі +12+14 градусаў.

ФОРМА

Войска Вадзіма Скрыпчанкі зрабілі выбар на карысць белых маек і трусоў (брамнік — цалкам у жоўтым).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Мікіта Кабак (Барысаў).

Інспектар матчу — Георгій Вярбіцкі (Мінск).

Дэлегат АБФФ — Вячаслаў Скварчэўскі (Барысаў).

ТРАНСЛЯЦЫЯ

Вельмі цікавае супрацьстаянне ў жывым эфіры пакажа тэлеканал "Беларусь 5".