Наступны матч Нёман 5 красавіка (д) (19:45)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

РАДЗІСЛАВУ АРЛОЎСКАМУ — 55!

9.03.2025

Сёння цёплыя словы ў свой адрас прымае Радзіслаў АРЛОЎСКІ — ветэрану "бела-сініх" іспаўняецца 55 гадоў.

У бытнасць футбалістам гэты паўабаронца выступаў тут цягам чатырох сезонаў (66 матчаў, 17 галоў). Прычым дэбютаваў яшчэ ў саюзнай найвышэйшай лізе — 21 красавіка 1991-га ў дамашнім супрацьстаянні з таджыкістанскім "Памірам". Станавіўся чэмпіёнам Беларусі-1992, 1992/93, 1993/94, 1994/95, уладальнікам Кубка-1992. За нацыянальную зборную краіны правёў 26 паядынкаў, забіў два мячы.

Радзіслаў Уладзіміравіч доўгі час працаваў у мінскім "Дынама" трэнерам, у тым ліку ў галоўнай камандзе і дублі. А зараз займаецца ў нашай Акадэміі падрыхтоўкай хлопцаў 2009 года нараджэння.

Шчыра віншуем юбіляра, зычым моцнага здароўя, сямейнага дабрабыту, шчасця, росквіту і максімальнай колькасці зорных выхаванцаў!