Наступны матч Нёман 5 красавіка (д) (19:45)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ІГАРУ ГУРЫНОВІЧУ — 65!

5.03.2025

Сёння дзень нараджэння адзначае Ігар ГУРЫНОВІЧ — легендзе мінскага "Дынама" спаўняецца 65 гадоў.

Выхаванец сталічнага футбола правёў за галоўную каманду рэспублікі дванаццаць з паловай сезонаў: 281 афіцыйны паядынак, 66 забітых мячоў. Паказчыкі маглі быць яшчэ больш унушальныя, калі б не вялікая колькасць пашкоджанняў, якія, на жаль, часта перашкаджалі тэхнічнаму і хуткаснаму нападніку.

Але нават так кар’ера ў шэрагах "бела-сініх" атрымалася яскравай і багатай на здзяйсненні. Апагеем, натуральна, з’явілася чэмпіёнства СССР-1982 з галявым дублем у вырашальным выязным матчы з маскоўскім "Спартаком". Апроч таго, у прафайле — бронза найвышэйшай лігі годам пазней, фінал Кубка Савецкага Саюза-1987, уключэнне ў спіс 33 найлепшых гульцоў сезона (1982, 1983), медальныя выступленні ў складах зборных СССР: трыумф на юнацкім і моладзевым EURO, другое месца на юніёрскім першынстве свету. І, што важна, статус любімца заўзятараў.

Ігар Мікалаевіч цягам доўгага часу працуе ў структуры роднага клуба на пасадзе трэнера-селекцыянера, а таксама заўжды гатовы падзяліцца досведам з маладым пакаленнем.

Сардэчна віншуем юбіляра, зычым моцнага здароўя, дабрабыту, невычарпальнага аптымізму, прафесійных поспехаў!