Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У суботу, 8 сакавіка, наша галоўная каманда правяла шосты ў гэтым годзе кантрольны паядынак. І святкавала чацвёртую перамогу — зноў над "Маладзечнам-2018" (2:0), якое вярнулася ў элітны дывізіён пасля доўгага перапынку.
Прапануем заўзятарам яшчэ раз убачыць камбінацыі, якія завяршыліся трапнымі стрэламі Яўгена Шаўчэнкі і Івана Бахара.
Прыемнага прагляду!
