"ДЫНАМА-МІНСК" — "ВІЦЕБСК": ІНФАРМАЦЫЯ АБ МАТЧЫ

У суботу, 3 мая, наша каманда правядзе заключны з трох запар дамашніх паядынкаў — пазмагаецца з "Віцебскам" у межах 7-га тура айчыннага элітнага дывізіёна-2025. Стартавы свісток на Нацыянальным алімпійскім стадыёне "Дынама" прагучыць у 15.00.

КВІТКІ

Кошт — 6-13 рублёў (у VIP-ложу 43 — 35 рублёў). Набывайце:

- праз Ticketpro;

- у любым з пунктаў продажу кампаніі па ўсёй рэспубліцы;

- у фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень гульні — у касах арэны з 10.00.

Сектар актыўнай падтрымкі гаспадароў (фанаты) — С23, для прыхільнікаў "Віцебска" выдзелены В12 і В13.

ДОПУСК ЗАЎЗЯТАРАЎ

Уваход на тэрыторыю арэны праз гістарычную арку з боку вул. Кірава адкрыюць у 13.30.

НАДВОР’Е

Паслязаўтра днём у сталіцы будзе воблачна, ападкаў не прагназуецца. Слупок тэрмометра прагрэецца да +15+17 градусаў.

ФОРМА

Войска Вадзіма Скрыпчанкі прымерыць белыя майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў з Гомеля на чале з Амінам Кургхелі, асістэнтамі якога стануць Віктар і Андрэй Гецікавы. Чацвёрты — Вячаслаў Наронскі (Мінск).

Інспектар матчу — Віктар Чэрнік (Гродна).

Дэлегат АБФФ — Ігар Белоў (Мінск).

ТРАНСЛЯЦЫЯ

У жывым эфіры супрацьстаянне можна ўбачыць на Youtube-канале АБФФ.