Наступны матч 1 сакавіка Нёман (д) (14:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

СЕМ ФУТБАЛІСТАК "ДЫНАМА"-БДУФК МОГУЦЬ АДПРАВІЦЦА Ў ТУРЦЫЮ

9.02.2025

Дзявоцкая зборная нашай краіны, укамплектаваная гульцамі не старэйшымі за 2006 год нараджэння, за экватарам заключнага зімняга месяца правядзе тры кантрольныя матчы.

Прычым усе адбудуцца ў Турцыі: у сераду, 19 лютага, — з равесніцамі з Расіі, у суботу, 22-га, — з самарскімі "Крыламі Саветаў", у аўторак, 25-га, — з дацкім "Вардэ" (Д2).

Падрыхтоўку да спарынгаў пачнуць 22 футбалісткі, у тым ліку сямёрка прадстаўніц "Дынама"-БДУФК — абаронцы Ангяліна ВАШЧУК, Дар’я ГАРШКОВА, Рэната КАЛІНОЎСКАЯ, Аляксандра ТАРАДУДА, хаўбекі Вераніка КАЛЮТА, нападнікі Віялета ВАЦУРА, Ганна ПУЦЫКОВІЧ.

У красавіку беларусак чакае удзел у кваліфікацыі чэмпіянату Еўропы-2025 WU19 (ліга "А"). У межах групы 4 належыць змагацца за адзіную пуцёўку ў фінальны турнір з суперніцамі з Італіі, Швецыі і Славакіі.