Наступны матч Нёман 5 красавіка (д) (19:45)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КІРЫЛ КОЎШ І ДЗМІТРЫЙ НІЖНІК — ДА КАНЦА СЕЗОНА Ў "ЛАКАМАТЫВЕ"

13.02.2025

Яшчэ два маладых футбалісты "бела-сініх" аддадзены ў арэнду — абодва да сканчэння сезона адправіліся ў першалігавы гомельскі "Лакаматыў".

Цэнтральны абаронца Кірыл КОЎШ (2004) у такім статусе раней гуляў за пінскую "Хвалю" (2023; 29 матчаў) і наваполацкі "Нафтан" (другая палова 2024-га; 7). А да сярэдзіны мінулага года запісаў у прафайл 13 паядынкаў за "Дынама-Мінск"-2.

Апорнік Дзмітрый НІЖНІК (2003) правёў адзіную сустрэчу за нашу галоўную каманду 19 чэрвеня 2024-га — у межах 1/16 фіналу Кубку краіны супраць "Міёр". Таксама мае досвед выступленняў за моладзевы склад у Д2 (першая палова 2024-га; 13/3 гола). Раней на правах арэнды знаходзіўся ў тым жа "Лакаматыве" (2021, 2023; 37/1) і "Нафтане" (другая палова 2024-га; 6).