Наступны матч 1 сакавіка Нёман (д) (14:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КІРЫЛ ЦАПЯНКОЎ — ФУТБАЛІСТ "ДЫНАМА-МІНСК"

21.02.2025

Склад "бела-сініх" папоўніў малады хаўбек Кірыл ЦАПЯНКОЎ.

Наш навічок нарадзіўся 8 ліпеня 2004-га ў Шклове. Выхаванец мясцовай ДЮСШ (першы трэнер Яўген Пятровіч Моўчан) і магілёўскай СДЮШАР-7 (першы трэнер Міхаіл Міхайлавіч Юркевіч). На прафесійным узроўні дэбютаваў у 16-гадовым узросце — 22 лістапада 2020-га за брэсцкі "Рух" у дамашняй сустрэчы найвышэйшай лігі з "Шахцёрам". У выніку правёў у форме гэтай каманды шэсць афіцыйных матчаў, запісаў на асабісты рахунак гол і асістэнцкі бал.

Вясной 2022-га ўліўся ў абойму іншага прадстаўніка горада над Бугам — "Дынама", колеры якога абараняў крыху больш за два сезоны (38 паядынкаў, 3 забітыя мячы).

У мінулым ліпені далучыўся да "Слуцка", дзе за даволі кароткі тэрмін паказаў вельмі годную статыстыку: у 17 змаганнях нанёс восем трапных стрэлаў і зрабіў шэсць галявых перадач (элітны дывізіён — 5+5, Кубак — 3+1).

Кірыл, ласкава вітаем у шэрагах дзевяціразовых чэмпіёнаў Беларусі! Спадзяемся на дапамогу ў вырашэнні ўсіх пастаўленых задач!