Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Брамнік рэзервовай каманды "бела-сініх" Іван ФРАЛОЎ да сканчэння сезона-2025 будзе выступаць за бабруйскую "Белшыну", якая ставіць задачу вярнуцца ў айчынную найвышэйшую лігу.
У мінулым годзе малады ураджэнец Полацка прыняў удзел у 13 матчах за "Дынама-Мінск"-2 — і ў пяць выпадках пакідаў свае валоданні ў недатыкальнасці.
Зычым Івану замацавацца ў аснове "шыннікаў" і зрабіць значны якасны крок наперад!
