Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Рэзервісты "бела-сініх" працягваюць падрыхтоўку да выступлення ў першай лізе чэмпіянату краіны-2025. І ў сераду, 26 лютага, правядуць чарговы кантрольны матч.
На стадыёне "Дынама-Юні" па вул. Акадэміка Вышалескага, 4А належыць пазмагацца з дублёрамі магілёўскага "Дняпра" (Д3). Пачатак у 14.30.
Уваход для заўзятараў — вольны.
