ЦЭНЫ АБАНЕМЕНТАЎ НА СЕЗОН-2025 ЗАСТАЛІСЯ РАНЕЙШЫМІ

Увазе заўзятараў!

На наступным тыдні пачнецца продаж сезонных абанементаў, якія дазваляюць наведаць усе дамашнія паядынкі нашай каманды ў 2025 годзе — у чэмпіянаце і Кубку Беларусі.

Адразу ж пра новаўвядзенне. Цягам першых шасці дзён будуць абслугоўвацца толькі ўладальнікі мінулагадовых абанементаў, якія жадаюць захаваць свае ранейшыя месцы на Нацыянальным алімпійскім стадыёне "Дынама". Потым сезонныя праходкі стануць дасяжнымі для набыцця іншымі ахвочымі.

Дасяжны тры катэгорыі абанементаў. Дарэчы, цэны засталіся нязменнымі!

1-я — 135 рублёў на верхні ярус сектароў А4, А5, А6, А7;

2-я — 95 рублёў на сектар А3, ніжні ярус сектароў А4, А5, А6, А7, верхні ярус сектароў А8, С20, С21, С22;

3-я — 65 рублёў на сектары А1, А2, А10, С19, С23, верхні ярус сектара А9, ніжні ярус сектароў С20, С21, С22.

Сектар актыўнай падтрымкі (фанаты) — С23, гасцявыя — В12 і В13.

Прадугледжаны такія зкіжкі:

30% — для ўладальнікаў абанементаў на сезон-2024;

40% — для дзяцей 6-18 гадоў і студэнтаў;

50% — для пенсіянераў і інвалідаў II групы.

Бясплатна абанементы ўручаць ветэранам Вялікай айчыннай вайны, ліквідаратам аварыі на ЧАЭС, інвалідам I групы і ўдзельнікам баявых дзеянняў у Афганістане.

Для актывацыі зніжкі неабходна пры набыцці абанемента прад’явіць дакумент, які засведчвае асобу, і пацвердзіць права на яе атрыманне (абанемент на сезон-2024, даведка з вучэбнай установы ці студэнцкі білет, пенсійнае пасведчанне). Для замовы бясплатнага абанемента адпраўляйце на е-мэйл fan@dinamo-minsk.by.

Абанементы на сезон-2025 рэалізуюцца толькі ў фан-шопе "бела-сініх" на Нацыянальным алімпійскім стадыёне "Дынама" (вул. Кірава, 8/6; сектар D24).

Фірмовая крама адкрыта штодня з 11.00 да 20.00 (перапынак — 15.00-16.00).

Чакаем усіх!