Наступны матч 1 сакавіка Нёман (д) (14:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АНТОН ПУЦІЛА ВЯРНУЎСЯ Ў РОДНЫ КЛУБ

12.02.2025

У трэнерскім штабе Акадэміі мінскага "Дынама" — папаўненне. Працу з хлопцамі 2011 года нараджэння пачаў Антон ПУЦІЛА, значная фігура ў гісторыі нашага клуба.

У бытнасць футбалістам тэхнічны крэатыўны хаўбек правёў у форме "бела-сініх" дзевяць з паловай сезонаў — 171 матч, 25 галоў плюс 27 асістэнцкіх балаў, двойчы станавіўся чэмпіёнам Беларусі (2004, 2023).

Паспяховую кар’еру завяршыў на максімальна яскравай ноце — дапамог роднай камандзе заваяваць галоўны нацыянальны трафей пасля 19-гадовай паўзы. А напрыканцы 2024-га пачаў навучанне па праграме "А-УЕФА + В-УЕФА для прафесійных гульцоў" на базе РФС у Маскве.

Наперадзе ў маладога настаўніка чарговы цікавы выклік — магчымасць перадаць юнакам свой вельмі багаты досвед. Трэніраваць абойму U14, якой ужо ў верасні стартаваць у турніры ліцэнзавання, належыць у дуэце з Сяргеем Гігевічам. Зычым Антону Канстанцінавічу дасягнуць вялікіх вынікаў на новым полі дзейнасці!

Дарэчы, у структуры ФК "Дынама-Мінск" цяпер працуе і Станіслаў ДРАГУН, які выступаў за "бела-сініх" на пазіцыі паўабаронцы ў 2008-12 гадах (144 паядынкі, 29 забітых мячоў).