Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Наша каманда зноў святкавала перамогу ў родных сценах у паядынку айчыннай найвышэйшай лігі-2025. Гэтым разам аказалася мацнейшай за "кананіраў" з Дзяржынска — 1:0 у межах 28-га тура.
Традыцыйна падсумоўваем дамашні матч атмасферным відэа, у якім прадстаўлены цікавыя моманты на полі, а таксама эмоцыі на трыбунах.
Ролік апублікаваны на афіцыйным Youtube-канале мінскага "Дынама".
Прыемнага прагляду!
