Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сёння раніцай на стадыёне "Дынама-Юні" адбылася незвычайная трэніроўка. У госці да "бела-сініх" 2013 года нараджэння прыехала інклюзіўная каманда "Зубры ДСІ", якая вядзе падрыхтоўку да міжнароднага турніру па міні-футболе сярод людзей з сіндромам Даўна.
Для нашых гасцей таксама была арганізавана экскурсія па клубнай Акадэміі, а завяршылася мерапрыемства чаяваннем.
