Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У чацвер, 31 ліпеня, мінскія дынамаўцы згулялі паядынак у адказ 2-га кваліфікацыйнага раўнда Лігі канферэнцый-2025/26. Фінальны свісток зафіксаваў лік 1:0 на карысць албанскай "Эгнаціі", якая і працягне еўракубкавае падарожжа.
Кароткія вынікі змагання ў Рагожыне падвёў трэнер "бела-сініх" Аляксандр ПАЎЛАЎ.
Відэа размешчана на афіцыйным Youtube-канале нашага клуба.
