Наступны матч Эгнація 31 ліпеня (г) (22:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДЫНАМА-МІНСК" — "ЭГНАЦІЯ": ІНФАРМАЦЫЯ АБ МАТЧЫ

22.07.2025

У чацвер, 24 ліпеня, наша галоўная каманда адкрые гульнявую праграму ў межах Лігі канферэнцый-2025/26 — намінальна дамашнім паядынкам 2-га кваліфікацыйнага раўнда з албанскай "Эгнаціяй". Супернікі пазмагаюцца на стадыёне "Гарадскі" ў венгерскім Мезякёвешдзе. Пачатак у 20.45 па мясцовым часе (21.45 па беларускім).

Супрацьстаянне пройдзе без гледачоў.

НАДВОР’Е

Паслязаўтра ўвечары ў Мезякёвешдзе будзе ясна і спякотна — тэрмометр прагрэецца да +29+31 градуса.

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў з Грэцыі на чале з Іаанісам Пападопуласам, асістэнтамі якога стануць Паліхроніс Кастарас і Лазарас Дзімітрыядзіс. Чацвёрты — Аляксандрас Кацыкаг’яніс.

Інспектар матчу — Ненад Докіч (Сербія).

Дэлегат УЕФА — Марыя Мануэла да Коста Балдзіна (Партугалія).

ТРАНСЛЯЦЫЯ

Афіцыйная інфармацыя па гэтым пытанні паступіць пазней.