Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Абаронца Цімур ДУБОВІК да сканчэння сезона будзе на правах арэнды гуляць за "Смаргонь".
20-гадовы выхаванец Акадэміі "бела-сініх"цягам палутара сезонаў выступаў за рэзервовы склад у другім па значнасці дывізіёне чэмпіянату краіны (47 матчаў, 2 галы + 3 выніковыя перадачы). Прычым у гэтым годзе з’яўляўся капітанам каманды.
Мае ў актыве восем паядынкаў за "Дынама-Мінск" U19 у Юнацкай лізе УЕФА (2023/24, 2024/25).
