Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У сераду, 9 ліпеня, дзень нараджэння адзначае Андрэй ТОЛМАЧ — генеральнаму дырэктару ФК "Дынама-Мінск" спаўняецца 46 гадоў.
Андрэй Валер’евіч, ад імя супрацоўнікаў і заўзятараў клуба віншуем вас, дзякуем за тытанічныя намаганні дзеля выгоды "бела-сініх", зычым моцнага здароўя, шчасця, сямейнага дабрабыту і поспехаў на ўсіх напрамках і ў кожным пачынанні!
Са святам!
