Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У нядзелю, 27 красавіка, "бела-сінія" згулялі дамашні паядынак з "Мінскам" у межах 6-га тура чэмпіянату Беларусі-2025 у элітным дывізіёне. Падначаленыя Вадзіма Скрыпчанкі святкавалі ўпэўненую перамогу — 4:1.
Прадстаўляем увазе заўзятараў відэа, якое яскрава паказвае атмасферу сталічнага дэрбі на Нацыянальным алімпійскім стадыёне "Дынама".
Ролік размешчаны на Youtube-канале нашага клуба.
Прыемнага прагляду!
