"ДЫНАМА-МІНСК" — "НЁМАН": ІНФАРМАЦЫЯ АБ МАТЧЫ

У суботу, 5 красавіка, каманду Вадзіма Скрыпчанкі чакае чарговы няпросты іспыт — у межах 3-га тура айчыннай найвышэйшай лігі-2025 належыць на сваім полі змагацца з "Нёманам". Прынцыповыя супернікі згуляюць на Нацыянальным алімпійскім стадыёне "Дынама". Стартавы свісток прагучыць у 19.45.

Разлічваем на максімальную падтрымку ад заўзятараў! Убачымся на трыбунах!

КВІТКІ

Кошт — 6-13 рублёў (у VIP-ложу — 35 рублёў). Набывайце:

- праз Ticketpro;

- у любым з пунктаў продажу кампаніі па ўсёй краіне;

- у фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень паядынку — у касах арэны з 12.00.

Сектар фанатаў гаспадароў — С23, для прыхільнікаў гарадзенцаў выдзелены В12 і В13.

ДОПУСК ЗАЎЗЯТАРАЎ

Абодва ўваходы на тэрыторыю стадыёна з боку вул. Кірава адкрыюць у 18.15.

НАДВОР’Е

Паслязаўтра ў цэнтры сталіцы будзе пахмурна, магчымы кароткачасовыя ападкі. Слупок тэрмометра апусціцца да адзнакі +2+4 градусы.

ФОРМА

Нашы хлопцы прымераць белыя майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Дзмітрыем Маркавым, асістэнтамі якога стануць Яўген Раманаў (абодва — Магілёў) і Аляксей Кавалёў (Асіповічы). Чацвёрты — Сяргей Набокін (Мінск).

Інспектар матчу — Ігар Крук (Маладзечна).

Дэлегат АБФФ — Сяргей Ільіч (Мінск).

ТРАНСЛЯЦЫЯ

Жывы эфір найцікавейшай дуэлі — на тэлеканале "Беларусь 5".