"ДЫНАМА-МІНСК" — БАТЭ: ІНФАРМАЦЫЯ АБ МАТЧЫ

У суботу, 19 красавіка, на Нацыянальным алімпійскім стадыёне "Дынама" пазмагаюцца два самыя тытулаваныя айчынныя клубы — падначаленыя Вадзіма Скрыпчанкі прымуць БАТЭ ў межах 5-га тура чэмпіянату краіны-2025 у найвышэйшай лізе. Пачатак у 19.30.

Чакаем усіх заўзятараў на трыбунах!

КВІТКІ

Кошт — 6-13 рублёў (у VIP-ложу 43 — 35 рублёў). Набывайце:

- на Ticketpro;

- у любым з пунктаў продажу кампаніі па ўсёй рэспубліцы;

- у фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень паядынку — у касах арэны з 12.00.

Сектар актыўнай падтрымкі гаспадароў (фанаты) — С23, для прыхільнікаў барысаўчан выдзелены В12 і В13.

НАДВОР’Е

Паслязаўтра ўвечары ў цэнтры сталіцы будзе малавоблачна, ападкаў не прагназуецца. Слупок тэрмометра прагрэецца да +18+20 градусаў.

ДОПУСК НА СТАДЫЁН

Абодва ўваходы з боку вул. Кірава (гістарычная арка і насупраць Міністэрства сельскай гаспадаркі і харчавання) адкрыюць у 18.00.

ФОРМА

Наша каманда прымерыць белыя майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў на чале з Віктарам Шымусікам, асістэнты — Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Ігар Шумілаў (Азярцо).

Інспектар матчу — Віктар Чэрнік (Гродна).

Дэлегат АБФФ — Сяргей Ільіч (Мінск).

ТРАНСЛЯЦЫЯ

У жывым эфіры "класіка" пакажа тэлеканал "Беларусь 5".