Наступны матч Нафтан 25 кастрычніка (г) (14:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ВЫЯЗНЫЯ ПОСПЕХІ ЗБОРНАЙ U19

13.10.2025

Каманда нашай краіны, сфармаваная з футбалістаў не старэйшых за 2007 год нараджэння, згуляла кантрольныя паядынкі на Мальце.

У выязным спісе прысутнічалі тры прадстаўнікі мінскага "Дынама", якія выступаюць за рэзервовы склад у другім па значнасці айчынным дывізіёне. Гэта хаўбекі Арцём ГРАБЦЭВІЧ і Ягор МОЎЧАН, а таксама нападнік Андрэй ЛУЦКОВІЧ.

Адзначым, што зборная на чале з Сяргеем Сасноўскім завяршыла падрыхтоўку да ўдзелу ў кваліфікацыі юніёрскага чэмпіянату Еўропы-2026 — у наступным месяцы належыць змагацца з равеснікамі з Турцыі (гаспадары групы 3), Грэцыі і Ліхтэнштэйна.

10.10. МАЛЬТА U19 — БЕЛАРУСЬ U19 — 1:3 (ГРАБЦЭВІЧА замянілі на 67-й хвіліне, ЛУЦКОВІЧ з’явіўся на газоне на 50-й, МОЎЧАН — на 67-й)

13.10. МАЛЬТА U19 — БЕЛАРУСЬ U19 — 0:8 (ГРАБЦЭВІЧА замянілі на 46-й хвіліне, МОЎЧАНА — на 53-й)