"ДЫНАМА-МІНСК" — "ГОМЕЛЬ": ІНФАРМАЦЫЯ АБ МАТЧЫ

Адзіны ў гэтым месяцы дамашні паядынак чакае каманду Аляксандра Паўлава ў суботу, 18 кастрычніка, — высвятляць мацнейшага ў межах 25-га тура айчыннай найвышэйшай лігі-2025 належыць з баявітым "Гомелем". Стартавы свісток на полі Нацыянальнага футбольнага стадыёна па Партызанскім п-це, 65 прагучыць у 17.00.

КВІТКІ

Кошт — 6-15 рублёў. Набывайце:

- праз Ticketpro;

- у любым з пунктаў продажу кампаніі па ўсёй краіне;

- у фан-шопе на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень гульні — з 12.00 у касе №2 арэны, каля цэнтральнага ўвахода з боку Партызанскага п-та.

Сектары актыўнай падтрымкі гаспадароў (фанаты) — 120, 121, 122, для прыхільнікаў "Гомеля" выдзелены 112 і 113.

ДОПУСК ЗАЎЗЯТАРАЎ

Трапіць на тэрыторыю арэны можна з 15.30 праз уваходы з боку Партызанскага п-та і вул. Ванеева.

Для таго каб пазбегнуць утварэння чэргаў, пераканаўча просім прыязджаць загадзя!

НАДВОР’Е

Паслязаўтра ўвечары ў сталіцы будзе пахмурна, прагназуецца невялікі дождж — пры тэмпературы +8+10 градусаў.

ФОРМА

Нашы хлопцы апрануць белыя майкі і трусы (галкіпер — цалкам у чырвоным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Віктарам Шымусікам, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Сяргей Клімашэўскі (Мінск).

Інспектар матчу — Алег Коўб (Брэст).

Дэлегат АБФФ — Сяргей Ільіч (Мінск).

ТРАНСЛЯЦЫЯ

У жывым эфіры цікавае супрацьстаянне пакажа Youtube-канал АБФФ.