Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Ужо заўтра "бела-сініх" чакае кантрольная гульня з "Мінскам" — на запасным полі Нацыянальнага алімпійскага стадыёна "Дынама". Стартавы свісток прагучыць у 12.00.
Звяртаем увагу, што ў суботу, 7 чэрвеня, уваход на тэрыторыю НАС "Дынама" будзе платным у сувязі з правядзеннем там культурна-масавага мерапрыемства.
Спарынг плануецца да паказу на Youtube-канале нашага клуба.
