Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Больш за восем тысяч гледачоў назірала з трыбун за дэбютам "бела-сініх" на Нацыянальным футбольным стадыёне. Але ў дагулёўцы дамашняга чэмпіянатнага паядынку 3-га тура падначаленыя Вадзіма Скрыпчанкі саступілі "Нёману" — 0:1.
У той жа дзень — 18 чэрвеня — мінскае "Дынама" святкавала 98-годдзе. Самыя шчырыя віншаванні і зычэнні любімаму клубу — ад заўзятараў, якія прыйшлі на матч.
Прыемнага прагляду!
