Наступны матч МЛ Віцебск 3 ліпеня (г) (18:00)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ФАВАЗ АБДУЛАХІ — ФУТБАЛІСТ "БЕЛА-СІНІХ"

27.06.2025

Кантракт з мінскім "Дынама" падпісаў нігерыйскі хаўбек Фаваз АБДУЛАХІ.

Наш навабранец нарадзіўся 4 мая 2003-га ў Кана — другім па колькасці насельніцтва горадзе краіны. Выхаванец "Abu Football Academy" у Лагасе (трэнер Юсуф Абубакар Махмуд).

У 2021-м перабраўся ў ізраільскую "Бней Егуду", выступаў за каманду U19. На прафесійным узроўні дэбютаваў 14 кастрычніка 2022-га ў супрацьстаянні кіпрскага элітнага дывізіёна ў складзе "Доксы", у форме якой выйшаў на поле 25 разоў, адзначыўся адной выніковай перадачай.

Сезон-2023/24 таксама правёў на выспе Афрадыты — у куды больш статусным АПАЭЛі (3 сустрэч), які тады заваяваў чэмпіёнскі тытул.

З 1 жніўня мінулага года на правах арэнды абараняў колеры "Гомеля" (13 паядынкаў, 2 галы + 2 асістэнцкіх балы).

Са студзеня па май 2025-га знаходзіўся ў расійскіх "Хімках", але не быў уключан у афіцыйную заяўку з прычыны трансфернага бана клуба.

Мае ў актыве чатыры матчы за юніёрскую (U17) зборную Нігерыі.

Фаваз, ласкава вітаем у шэрагах "бела-сініх"!