Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Увечары чацвярга, 8 жніўня, "бела-сінія" пачнуць выступленне ў 3-м кваліфікацыйным раўндзе Лігі Еўропы-2024/25 — намінальна дамашнім супрацьстаяннем з гібралтарскім "Лінкальнам", якое адбудзецца ў венгерскім Мезякёвешдзе, на стадыёне "Гарадскі".
Выдатная навіна для заўзятараў: у жывым эфіры матч можна ўбачыць на тэлеканале "Беларусь 5". Трансляцыя стартуе ў 21.45.
