Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ДА "БЕЛА-СІНІХ" ДАЛУЧЫЎСЯ ДЗЯНІС ПАЛЯКОЎ

31.08.2024

Футбалістам мінскага "Дынама" стаў абаронца Дзяніс ПАЛЯКОЎ.

Наш навабранец нарадзіўся 17 красавіка 1991-га ў сталіцы Беларусі. Выхаванец СДЮШАР "Дынама" (першыя трэнеры Юрый Веніямінавіч Расолька і Аляксандр Яўгеньевіч Ляўковіч). У 2007-м пачаў выступаць за дубль "Шахцёра", за галоўную каманду дэбютаваў 13 сакавіка 2010-га ў выязным кубкавым чвэрцьфінале з "Нёманам".

Пасля двух сезонаў у якасці жалезнага гульца асновы "гарнякоў" далучыўся да БАТЭ, дзе правёў найлепшы пакуль этап кар’еры: 212 матчаў і 8 галоў, уладальнік сямі чэмпіёнскіх тытулаў (2012-18), Кубка (2015) і чатырох Суперкубкаў (2014-17) краіны, удзельнік групавых раўндаў Лігі чэмпіёнаў (2012/13, 2014/15, 2015/16) і Лігі Еўропы (2017/18, 2018/19).

У першай палове 2018-га ўпершыню паспытаў легіянерскага хлеба — у кіпрскім "Апаэлі". У далейшым абараняў колеры расійскага "Ўрала" (2019-20), казахстанскіх "Кайрата" (2020-21) і "Астаны" (2022), ізраільскага "Хапаэля" з Хайфы (2023-24).

З’яўляецца чэмпіёнам Кіпра (2018) і Казахстана (2020, 2022). Бронзавы прызёр моладзевага EURO’2011, ад званка да званка адпрацаваў усе тры сустрэчы на летняй Алімпіядзе-2012 ў Лондане.

Зараз у актыве Палякова — 530 паядынкаў на найвышэйшым узроўні, у тым ліку 63 — у форме нацыянальнай зборнай Беларусі.

Дзяніс, ласкава вітаем у дынамаўскай сям’і! Верым, што твой досвед і ўніверсалізм дапамогуць "бела-сінім" дабіцца максімальных поспехаў на кожным з франтоў!