Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АДБОР У АКАДЭМІЮ ФК "ДЫНАМА-МІНСК"

26.08.2024

Пачынаецца традыцыйны восеньскі адбор у Акадэмію нашага клуба!

Запрашаем усіх, хто падыходзіць па ўзроставых крытэрыях, на адзін з праглядаў, якія адбудуцца на стадыёне "Дынама-Юні" (вул. Вышалескага, 4А) па суботах — 7, 14, 21 і 28 верасня.

Прыйсці трэба ў суправаджэнні кагосьці з бацькоў, пры сабе мець спартыўную форму і абутак.

Хлопчыкі — 2016-19 гады нараджэння

Тэлефоны трэнераў для даведак:

Сяргей Паўлавіч Маслоўскі (2016 г.н.) — +375 29 699 55 39

Дзмітрый Аляксандравіч Пархачоў (2017 г.н.) — +375 29 602 77 27

Станіслаў Андрэевіч Шыраеў (2018 г.н.) — +375 25 958 14 78

Мікіта Сяргеевіч Ерусалімаў (2019 г.н.) — + 375 29 195 04 68

Дзяўчынкі — 2010-18 гады нараджэння

Па дадатковых пытаннях звяртайцеся да Юрыя Веніямінавіча Расолькі (тэл. +375 29 330 41 64).

Тыя, хто пройдзе адбор, будуць залічаны ў групы падрыхтоўкі — заняткі бясплатныя, тры разы на тыдзень па вечарах.

Адзначым, што Акадэмія ФК "Дынама-Мінск" паспяхова працуе цягам ужо доўгага часу і расціць гульцоў, якія ў далейшым стабільна запатрабаваныя на ўзроўні найвышэйшай і першай ліг чэмпіянату Беларусі.

У сезоне-2024 цэлы шэраг выхаванцаў Акадэміі атрымлівае практыку ў асноўным складзе "бела-сініх" — Фёдар ЛАПАВУХАЎ, Павел АПЯЦЁНАК, Уладзіслаў КАЛІНІН, Уладзіслаў КРОЛІК, Мікіта ДЗЕМЧАНКА, Арцём САКАЛОЎСКІ, Трафім МЕЛЬНІЧЭНКА.