Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ІЛЛЯ ЧАРНЯК — ФУТБАЛІСТ "БЕЛА-СІНІХ"

15.01.2024

Першым навабранцам мінскага "Дынама" ў міжсезонні стаў нападнік Ілля ЧАРНЯК.

Гэты футбаліст нарадзіўся 19 мая 2002 года ў аграгарадку Яроміна, што каля Гомеля. Выхаванец мясцовай СДЮШАР-8 (першы трэнер Алег Іванавіч Ракаў). У 2019-м пачаў выступаць за дублёраў "Гомеля", у 2020-м перабраўся ў "Шахцёр", дзе абараняў колеры рэзервовай каманды і некалькі разоў трапляў у заяўку на матчы найвышэйшай лігі.

У 2021-м на правах арэнды перабраўся ў харвацкае "Дынама-2" з Заграба (Д2; 9 паядынкаў).

Потым вярнуўся ў шэрагі "гарнякоў" — і здолеў стаць гульцом асноўнай абоймы. Дэбютаваў у айчынным элітным дывізіёне 16 красавіка 2022-га ў дуэлі з барысаўскім БАТЭ, праз паўтара месяца адкрыў лік галам у супрацьстаянні з "Віцебскам". Усяго ў тым сезоне правёў 27 сустрэч, забіў 7 мячоў і аддаў 6 выніковых перадач.

У 2023-м зноў адправіўся за мяжу. У лютым падпісаў кантракт з грозненскім "Ахматам" (два з'яўлення на полі ў чэмпіянаце Расіі, адно — у Кубку), летам далучыўся да казахстанскага "Каспія" (8; 1+2).

Мае ў прафайле шэсць матчаў за моладзевую зборную Беларусі.

Рады вітаць Іллю ў абойме нашага клуба і зычым дапамагчы "бела-сінім" у дасягненні ўсіх амбіцыйных задач!