Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
"Бела-сінія" пазнаёміліся з газонам Алімпійскага стадыёна "Спірас Луіс" у грэчаскіх Афінах, дзе ў чацвер, 19 снежня, пастараюцца аказаць максімальны супраціў мясцоваму "Панацінаікасу" ў матчы 6-га тура агульнага этапу Лігі канферэнцый-2024/25.
Перадгульнявая трэніроўка цягнулася каля гадзіны. Прадстаўляем увазе заўзятараў падборку фотаздымкаў з нагоды.
