Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У чацвер, 12 снежня, мінскія дынамаўцы адчулі доўгачаканы смак перамогі ў межах агульнага этапу Лігі канферэнцый-2024/25. У 5-м туры адоленым аказаўся паўночнаірландскі "Ларн" — 2:0.
Галоўны трэнер "бела-сініх" Вадзім СКРЫПЧАНКА даў традыцыйна разгорнуты каментар па гульні, а таксама адказаў на пытанні мясцовых СМІ.
Прыемнага прагляду!
