Наступны матч Дынама-Брэст 7 снежня (14:30) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

НАСТАССЯ КАВАЛЁВА ЗАБІЛА ВОСЕМ МЯЧОЎ ЗА ЗБОРНУЮ WU19

3.12.2024

У Албаніі завершаны баталіі ў межах групы 1 дывізіёна В адборачнай кампаніі жаночага чэмпіянату Еўропы-2025 сярод футбалістак не старэйшых за 2006 год нараджэння.

Адзіны пропуск у наступны этап заваявала зборная нашай краіны.

Важнымі элементамі абоймы, здолеўшай вырашыць задачу, аказаліся прадстаўніцы "Дынама"-БДУФК — абаронцы Дар’я ГАРШКОВА і Рэната КАЛІНОЎСКАЯ, хаўбекі Настасся КАВАЛЁВА і Настасся МАГЕР, форвард Ганна СІНЯЎСКАЯ.

Аб суперніцах па 2-м раўндзе падначаленыя Ўладзіміра Шындзікава даведаюцца праз некалькі дзён.

27.11. БЕЛАРУСЬ WU19 — МАЛДОВА WU19 — 10:0 (ад званка да званка адпрацавалі ГАРШКОВА, МАГЕР і КАВАЛЁВА, якая забіла шэсць мячоў, СІНЯЎСКУЮ замянілі на 63-й хвіліне, тады ж на поле выйшла КАЛІНОЎСКАЯ)

30.11. БЕЛАРУСЬ WU19 — ЧАРНАГОРЫЯ WU19 — 4:0 (цалкам сустрэчу правялі ГАРШКОВА, МАГЕР, КАВАЛЁВА, якая зрабіла лік 2:0 на 12-й хвіліне, СІНЯЎСКУЮ замянілі на 86-й)

3.12. БЕЛАРУСЬ WU19 — АЛБАНІЯ WU19 — 2:1 (усе 90 хвілін на газоне адгулялі ГАРШКОВА, МАГЕР і КАВАЛЁВА, якая падвоіла перавагу на 83-й, СІНЯЎСКУЮ замянілі на 87-й, КАЛІНОЎСКУЮ ўзнялі з лаўкі запасных на 93+-й)

ВЫНІК. 1. БЕЛАРУСЬ WU19 — 9. 2. Албанія WU19 — 6. 3. Чарнагорыя WU19 — 3. 4. Малдова WU19 — 0.

Фота: vk.com/wfbelarus