Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КАРЭН ВАРДАНЯН — ФУТБАЛІСТ МІНСКАГА "ДЫНАМА"

31.12.2024

Першым навабранцам "бела-сініх" у міжсезонні стаў форвард Карэн ВАРДАНЯН.

Гэты футбаліст нарадзіўся 9 верасня 2003 года ў вёсцы Баліны Верхнядзвінскага раёна. Выхаванец верхнядзвінскай ДЮСШ (трэнер Ігар Сцяпанавіч Чарнавок).

З восені 2015-га — у структуры ФК "Віцебск", за галоўны склад якога дэбютаваў 3 красавіка 2022-га ў дамашнім супрацьстаянні найвышэйшай лігі з "Мінскам". Усяго правёў за "паўночнікаў" 85 паядынкаў, забіў 31 мяч і аддаў 8 выніковых перадач (элітны дывізіён — 44 / 11+2; першая ліга — 32 / 16+6; Кубак Беларусі — 9 / 4+0).

У сезонах-2023 і -2024 прымяраў лаўры найлепшага снайпера каманды. З 10 трапнымі стрэламі ўвайшоў у топ-дзясятку галеадораў мінулага чэмпіянату краіны.

Вітаем Карэна ў абойме мінскага "Дынама" і зычым максімальных поспехаў!