Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ФЁДАР ЛАПАВУХАЎ — WINLINE-ГУЛЕЦ ГОДА Ў СКЛАДЗЕ "БЕЛА-СІНІХ"

30.12.2024

Час падвесці рысу пад заключнай у гэтым годзе апытанкай сярод заўзятараў мінскага "Дынама", мэтай якой было вызначэнне MVP у складзе цяпер ужо дзевяціразовых чэмпіёнаў Беларусі ў сезоне-2024.

На прапанову паўдзельнічаць у плебісцыце, арганізаваным у афіцыйнай групе "бела-сініх" у сацыяльнай сетцы "ЎКантакце", адгукнулася 195 чалавек. Ну а вынік абсалютна чаканы: яшчэ адно ганаровае званне паклаў у асабістую скарбонку брамнік Фёдар ЛАПАВУХАЎ.

На карысць 21-гадовага футбаліста аддана роўна 60% галасоў (117 рэспандэнтаў). Далей месцы размеркаваліся так: 2. Вадзім ПІГАС — 13,33% (26). 3. Мікіта ДЗЕМЧАНКА — 9,74% (19). 4. Аляксей ГАЎРЫЛОВІЧ — 4,62% (9). 5. Дзмітрый ПАДСТРЭЛАЎ — 3,59% (7). 6. Павел СЯДЗЬКО — 3,08% (6). 7. РАІ — 2,05% (4). 8-9. Аляксандр СЯЛЯВА і Стэфан АЛЬФРЭД — па 1,54% (па 3). 10. Раман БЕГУНОЎ — 0,51% (1).

Пераможцу намінацыі традыцыйна ўручаць адмысловы прыз ад тытульнага партнёра мінскага "Дынама" — кампаніі Winline.

Віншуем Фёдара з заслужаным прызнаннем!