Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДЫНАМА"-БДУФК — З ЧЭМПІЁНСКІМ ТЫТУЛАМ!

7.12.2024

Жаночы чэмпіянат Беларусі-2024

Залаты матч

МІНСК — ДЫНАМА-БДУФК (МІНСК) — 0:2 (0:0)
МІНСК. 7 снежня. Стадыён ФК "Мінск". Пачатак у 12.30. 313 гледачоў.
СУДДЗІ: С.Гараюцін, Ю.Харужэнка, І.Спургяш (усе — Мінск).
МІНСК: Гразнова (к), Асаула (Ціхан, 73), Станкевіч, Кіянка, Мірашнічэнка (Бакум, 73), Кута (Самойлава, 82), Дзямідава (Есьман, 82), Казакевіч, Васкабовіч, Пашкоўская, Зубко.
Запасныя: Брылёва, Гірас, Астрэйка, Плісюк, Купрыянчык.
ДЫНАМА-БДУФК: Кавальчук, Слясарчык, Сітнікава, Манюкова, Капусціна, Магер, Сас, Піліпенка (к), Харашчак (Арцішэўская, 53), Сіняўская, Кавалёва.
Запасныя: Залётава, Каліноўская, Гаршкова, Чарлёнак, Капыша, Ціхамірава.
ГАЛЫ: 0:1 — Магер (65, пас — Піліпенка). 0:2 — Піліпенка (76, пас — Сіняўская).
ПАПЯРЭДЖАННЕ: Піліпенка (85).

Такім чынам, падначаленыя Юрыя Малеева пяты раз запар заваявалі галоўны нацыянальны тытул! Каманда была створана ў 2020 годзе — і з таго часу захоўвае за сабой званне наймацнейшай у краіне.

Шчыра віншуем гульцоў, трэнерска-адміністратыўны штаб, кіраўніцтва клуба і ўсіх заўзятараў з чарговым трафеем!