Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
ФК "Дынама-Мінск" віншуе з Днём міліцыі ўсіх супрацоўнікаў і ветэранаў органаў унутраных спраў!
Гэта прафесійнае свята адзначаецца ў Беларусі 4 сакавіка — і дазваляе аддаць належнае смелым і мужным людзям, якія стаяць на варце міру, законнасці, правапарадку і заўсёды гатовы прыйсці на дапамогу.
Вялікі дзякуй за службу! Моцнага здароўя, шчасця, дабрабыту і як мага менш трывожных хвілін у рабочы і не толькі час!
