Наступны матч Віцебск 20 верасня (20:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

УЛАДЗІСЛАЎ ВАСІЛЬЕЎ — ГУЛЕЦ МІНСКАГА "ДЫНАМА"

Кантракт з ФК "Дынама-Мінск" падпісаў казахстанскі паўабаронца Ўладзіслаў ВАСІЛЬЕЎ.

Наша навабранец нарадзіўся 10 красавіка 1997 года ў Карагандзе. Выхаванец мясцовага "Шахцёра" (першы трэнер Юрый Кузьміч Каплаух), за галоўную каманду якога дэбютаваў 7 сакавіка 2015-га — у выязной чэмпіянатнай сустрэчы з "Таразам", прычым адразу ж выйшаў на поле ў "старце". За "гарнякоў" правёў тры сезоны — 25 матчаў, 1 гол + 2 выніковыя перадачы.

У 2018-м пераехаў у Беларусь, дзе далучыўся да першалігавага "Энергетыка"-БДУ. І з ходу ўзваліў на сябе лідарскія функцыі, дапамог "студэнтам" узняцца ў элітны дывізіён (сумарна на тым этапе кар’еры — 45/12+25), дзякуючы чаму прыцягнуў увагу брэсцкага "Дынама", куда адправіўся летам 2019-га — і прымерыў залаты медаль айчыннай найвышэйшай лігі.

У 2020-м быў аддадзены ў арэнду іншаму прадстаўніку горада над Бугам — "Руху" (27/8+6). У далейшым выступаў за той жа "Энергетык"-БДУ (2021; 17/6+9), узбекістанскі "Андыжан" (2021; 8/1), казахстанскія "Табол" (2022; 27/1) і "Ардабасы" (20; 1+1), у складзе якога заваяваў чэмпіёнскі тытул.

Мае ў актыве 12 паядынкаў за нацыянальную зборную роднай краіны.

Уладзіслаў, сардэчна вітаем у "бела-сіняй" сям’і! Няхай усё атрымаецца!