Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Флангавы хаўбек мінскага "Дынама" Ілля ДУБІНЕЦ зноў аддадзены ў арэнду ў "Слуцк", колеры якога будзе абараняць да сканчэння сезона.
Выхаванец клубнай Акадэміі выступаў за "цукровую" дружыну ў ліпені-снежні 2023-га: 15 матчаў ва ўсіх турнірах, 4 галы + 4 выніковыя перадачы.
Нагадаем, што на рахунку 19-гадовага футбаліста — 2 паядынкі за асноўны склад "бела-сініх".
