Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ГУЛЬЦЫ "ДЫНАМА"-БДУФК У ЗБОРНАЙ U17: ТОЛЬКІ ПЕРАМОГІ

17.03.2024

У Чарнагорыі завяршыўся міні-турнір у межах групы 1 дывізіёна "В" чэмпіянату Еўропы-2024 сярод зборных, укамплектаваных футбалісткамі не старэйшымі за 2007 год нараджэння. І нашы суайчынніцы на чале з Марынай Ліс прадэманстравалі стаадсоткавы паказчык!

Вялікі ўнёсак у вырашэнне задачы зрабілі дзве прадстаўніцы мінскага "Дынама"-БДУФК — хаўбек Настасся КАВАЛЁВА, якая гуляла з капітанскай павязкай на рукаве, і форвард Алена РАБРОВА.

12.3. БЕЛАРУСЬ — Андора — 5:0 (КАВАЛЁВА правяла ўвесь матч, РАБРОВА была заменена на 46-й хвіліне).

14.3. БЕЛАРУСЬ — Літва — 3:0 (КАВАЛЁВА правяла ўвесь матч і ўсталявала канчатковы лік на 86-й хвіліне, РАБРОВА выйшла на поле на 46-й)

16.3. БЕЛАРУСЬ — Чарнагорыя — 6:2 (КАВАЛЁВА правяла ўвесь матч, РАБРОВА аформіла хет-трык трапнымі стрэламі на 6-й, 10-й, 51-й хвілінах, атрымала папярэджанне на 34-й і была заменена на 83-й)

Вынік. 1. БЕЛАРУСЬ — 9. 2. Чарнагорыя — 6. 3. Літва — 3. 4. Андора — 0.

Фота: прэс-служба АБФФ